Елорда ортасынан өтетін Есіл өзені аумағына 200 мың балық жіберілді.
Астана қаласының Қоршаған ортаны қорғау және табиғатты пайдалану басқармасы бұқтырма уылдырық шашу-өсіру шаруашылығының инкубациялық цехтарынан өзенге 100 мың ақ амур және 96 мыңнан астам тұқы балықтарын шығарды. Бұл іс-шара балық түрлерін көбейту және балық аулау процесін жақсарту мақсатында жүргізілді.
Балық аулау процесі Астана қаласы әкімдігі мен мәслихаты, Есіл облысаралық балық шаруашылығы бассейндік инспекциясы, су ресурстарын пайдалануды реттеу және қорғау жөніндегі Есіл бассейндік инспекциясы, Астана қаласы бойынша Экология департаменті және «Қазақрыбхоз» балықшылар қоғамдық бірлестіктерінің республикалық қауымдастығы өкілдерінің комиссиялық құрамының бақылауымен жүзеге асырылады.
