Мәдениет

Мұхтар мұрасы – халық қазынасы

Астананың М.Әуезов атындағы Орталық қалалық кітапханада заңғар жазушы Мұхтар Әуезовтiң туғанына 125 жыл толуына орай «Кiтап оқитын ел» мемлекеттiк бағдарламасы аясында жазушының негiзгi шығармаларын жастар арасында насихаттау мақсатында «Мұхтар мұрасы – халық қазынасы» тақырыбында дөнгелек үстелі мәжілісі өтті.

Іс-шараны қаланың орталықтандырылған кітапханалар жүйесінің директоры Гүлбадан Мәдібаева ашып, әлемнің Әуезові жайлы сөз сабақтады. Л.Гумилев атындағы Еуразия ұлттық университетінің профессоры, филология ғылымдарының докторы Рақымжан Тұрысбек, «Polska jebnosc» ұйымының вице-президенті Ринат Дусумов, №71 мектеп-лицейінің қазақ тілі мен әдебиеті мұғалiмi Ақбөпе Қасымова мәнді де мағыналы сөз өрбітті. «М.Әуезов – ұлылықтың үлгiсi», «М.Әуезов – әлем әдебиеті мойындаған тұлға» тақырыптарында баяндамалар оқылып, пiкiрлер тындалды.

Жазушыға талай ақындар жыр арнаған. Қатысушылар Қасым Аманжоловтың «Мұхтар аға», Жарасқан Әбдірашұлының «Тарихы заңы», Расул Гамзатовтың «Мұхтар аға» арнауларын оқыды. №71 мектеп-лицей оқушылары мен Л.Гумилев атындағы Еуразия ұлттық университетінің студенттерi «Еңлік-Кебек» пьесасынан үзiнді көрсеттi. Бекзат Смағұл «Сегіз аяқ» әнiн орындаса, Абзал Мақаш, Арманбек Жәкейхан, Әдемі Піспекбаева өнерлерін көрсетті. «Әуезов әлемі» тақырыбындағы көрмеге жалпы шолу жасалды.

Тағыда

admin

«Астана ақшамы» газеті

Ұқсас жаңалықтар

Пікір үстеу

Back to top button