Кеше ҚР Мемлекеттік қызмет істері агенттігінің Астана қаласындағы Әдеп жөніндегі кеңесінің кезекті отырысы өткізілді.
Кеңес отырысында Астана қаласы Байқоңыр ауданы әкімі аппаратының Әдеп жөніндегі уәкілінің «2022 жылдың өткен кезеңіндегі мемлекеттік қызметшілермен қызметтік әдеп талаптарының сақталуын мониторингтеу және бақылау қорытындылары туралы» және ҚР Әскери соттар әкімшісі басшысының «2022 жылдың өткен кезеңіндегі ҚР мемлекеттік қызмет саласындағы, сыбайлас жемқорлыққа қарсы іс-қимыл туралы заңнамалары және қызметтік әдеп талаптары бұзушылықтарының алдын алу бойынша атқарылған жұмыс нәтижелері» туралы есептері тыңдалып, олардың қызметін одан әрі жетілдіру және жандандыру бойынша, сыбайлас жемқорлықтың алдын алуға және қызметтік әдеп талаптары бұзушылықтарының алдын алуға бағытталған іс-шараларды іске асыру жөнінде тиісті ұсынымдар берілді.
Сондай-ақ Астана қаласының Қалалық орта сапасы және бақылау басқармасының басшысына қатысты тәртіптік іс қаралды.
