Бас қала аудандарында Жаңа жылға арналған мерекелік бағдарламалар өтті. Оған елорданың 10000-ға жуық қонағы мен тұрғыны қатысты. Сондай-ақ олар үшін концерттер, эстафеталар және сыйлықтар әзірленді.
Сарыарқа ауданы. Қалалық алаңда (қала әкімдігінің алды) шығармашылық ұжымдардың жаңа жылдық бағдарламасы және шайбалы хоккей бойынша кәсіби хоккейшілердің қатысуымен шеберлік сабағы өтті.
Алматы ауданы. Тәуелсіздік даңғылындағы Оқушылар сарайының аумағында балалар шығармашылық ұжымдарының қатысуымен мерекелік концерт өтті.
Нұра ауданы. «Астана Арена» стадионында қатысушыларға арнап көңілді старттар, конькимен сырғанау бойынша шеберлік сабағы, эстафета және концерттік бағдарлама өтті.
Сарайшық ауданы. «Қазақ елі» монументінің жанындағы алаңда мерекелік іс-шара, көңілді старттар ұйымдастырылып, эстрада жұлдыздары мен шығармашылық ұжымдардың қатысуымен концерт қойылды.
Есіл ауданы. ЭКСПО аумағындағы мерекелік бағдарлама екі сағатқа созылды. Келушілер шайбалы хоккейден шеберлік сабағы мен жүлдесі бар эстафеталарға қатысып, концерт тамашалады.
Айта кететіні, бас қалада слайдтар, тюбингтер мен конькилерді жалға беру, мұз айдындары, фотоаймақтар жұмыс істеп тұр. Сондай-ақ пиротехникалық заттардың сатылуын бақылау бойынша рейд жүріп жатыр.
Шапағат ӘБДІР
