10 мыңға жуық көрермен
Қала күніне арналған ауқымды Open air «Халықпен бірге» концерті өтті. «Астана Арена» стадионына іс-шараны тамашалауға 10 мыңға жуық көрермен жиналды. Олардың арасында тек жастар ғана емес, жасы үлкен қонақтар да болды. Open air концертінің көркін жастардың сүйіктілеріне арналған Ninety One, Akha, Amre, RaiM, Abdr қыздыра түсті.
– Біз ауқымды іс-шара өткіздік. Концертке 20-ға жуық отандық эстрада жұлдызы, олардың ішінде Маржан Арапбаева, Зарина Омарова, Әлішер Кәрімов, Ержан Мақсұм қатысты. Сондай-ақ жастардың сүйіктілері де сахнада өз өнерін көрсетті, – деді Нұр-Сұлтан қаласы Мәдениет басқармасы басшысының орынбасары Жаңабай Мейірманқұлов.
Open air ұйымдастырушылары көрермендерге ыңғайлы болу үшін іс-шара күні арнайы автобус ұйымдастырды. Көлік келушілерді қаладан алаңға жеткізді. Жауған жаңбырға қарамастан, халық концертті соңына дейін тамашалады.