10 жылдыққа арналған II ведомстволық спартакиада
![](https://www.astana-akshamy.kz/wp-content/uploads/2024/09/e82bc2e66060559bfbd877359fcbbf39_1280x720-780x470.jpg)
Астанада антикордың 10 жылдығына арналған II ведомстволық спартакиада өтті, деп хабарлайды astana-akshamy.kz
Сыбайлас жемқорлыққа қарсы іс-қимыл агенттігі Төрағасының кубогына арналып ведомство қызметкерлері арасында ұйымдастырылған жарыстарда қатысушылар мини-футбол, волейбол, үстел теннисі, арқан тарту және шахматтан сайысқа түсті.
Сонымен қатар спартакиаданы өткізу аталған органның 10 жылдығын мерекелеуге байланысты ерекше маңызға ие болып отыр. Жеке құрамның патриоттық және адамгершілік тәрбиесін одан әрі нығайту, мемлекеттің сыбайлас жемқорлыққа қарсы саясатын қалыптастыру және ілгерілету мақсатында Сыбайлас жемқорлыққа қарсы қызмет органдарының күні – 18 қараша болып белгіленген болатын.
Жарыс екі кезеңде өтті.
Аумақтық департаменттер арасында іріктеу ойындары ағымдағы жылдың 9-11 тамызында өңірлердің географиялық орналасуын ескере отырып, бес қалада өткізілді. Олар — Қарағанды, Көкшетау, Тараз, Ақтөбе және Талдықорған қалалары. Финалға іріктеу турларының жеңімпаздары: 15 өңірден 140 қызметкер, сондай-ақ Агенттіктің орталық аппаратының құрама командасы қатысты.
Әсіресе, соңғы ойындар бәсекеге қабілетті рухтың жоғары деңгейімен және қарқынды күресімен ерекшеленді.
Финалдық ойындардың қорытындысы бойынша командалық есепте Агенттіктің орталық аппаратының құрама командасы жеңімпаз атанса, тиісінше Ақмола және Қызылорда облыстары 2 және 3 орындарға ие болып, өзінің табандылығы мен спорттық шеберлігі үшін құрметке ие болды.
Марапаттау рәсімі спорттық жетістіктер мен командалық рухтың маңыздылығын көрсететін спартакиаданың жарқын шарықтау шегіне айналды.
Агенттік Төрағасының бірінші орынбасары Ұлан Сарқұлов барлық қатысушыларға табандылық пен жеңіске деген ерік-жігері үшін шын жүректен алғысын білдірді.
Осы ретте іс-шараға шағын футболдан Қазақстан құрамасының бас бапкері Паулу Рикарду Кака және Серік Сәпиев, Василий Левит, Нұрбек Оралбай, Айбек Оралбай, Демеу Жадраев сияқты белгілі Олимпиада чемпиондарының қатысқанын ерекше атай кеткен жөн.
Жеңімпаздар мен жүлдегерлер естелік кубоктар мен бағалы сыйлықтарға ие болды, ал барлық қатысушыларға белсенді қатысқаны және спорттық дайындықтың жоғары деңгейі үшін алғыс хаттар табысталды.