Өткен демалыс күндері Астанада 200-ден астам жол-көлік оқиғасы тіркелді деп хабарлайды www.astana-akshamy.kz/
«Өткен демалыста елорда жолдарында 200-ден астам жол-көлік оқиғасы тіркелді. Осы орайда, жүргізушілерге барынша мұқият және сақ болуды, белгіленген жылдамдықты сақтап, қауіпсіз арақашықтықты сақтау керегін ескертеміз. Қиылыстарға, жаяу жүргіншілер өткелдеріне және қоғамдық көлік аялдамасына жақындағанда жылдамдықты алдын ала азайтуды, сондай-ақ кенеттен маневр жасамауды ұсынамыз», – деді Астана қаласы ПД Жол полициясы қызметі бөлімдерінің бастығы Ержан Әділбеков.
Сондай-ақ тәртіп сақшысы жаяу жүргіншілер де ерекше сақ болуы керегін еске салды.
«Жолды кесіп өту кезінде барлық көліктердің толық тоқтағанына көз жеткізіңіз. Жол қозғалысы ережелерін қатаң сақтау және мұқият болу сіздің өміріңіздің қауіпсіздігін арттырады», – деп түйді сөзін Ержан Әділбеков.
Бүгін елордада таң ата жауған қырбақ қар әлі толастар емес. Қардың мол түсуіне байланысты елорданың коммуналдық қызметі тәулік бойы ауысымдық режимде жұмыс істеп, қала көшелерін қардан тазартады.
Сурет: https://kolesa-photos.kcdn.online
