ТЖМ құрама командасы «Қорғаныс министрі Кубогы» қоян-қолтық ұрысы бойынша Әлем кубогының финалына қатысуда, деп хабарлайды www.astana-akshamy.kz/
Құрама команда 1 ер адам мен 9 әйел адамнан жасақталған.
Турнир 2024 жылғы 21-23 қараша аралығында Астана қаласы Ж. Үшкемпіров атындағы спорт кешенінде өтуде.
Мұндай деңгейдегі сайыс Қазақстан тарихында тұңғыш рет өтіп жатыр. 15 елден 200-ден астам спортшы қатысуда. Әлем кубогын ұйымдастырушылар – Қазақстан Республикасы Қорғаныс министрлігінің Армия орталық спорт клубы мен еліміздегі Қоян-қолтық ұрыс қауымдастығы. Спортшылар «Сайыс», «Өзін-өзі қорғау» және «Өзін-өзі қорғау 1+1» пәндерінде 10 салмақта өнер көрсетуде.
ҚР ТЖМ құрамасы ерлер арасында 67 кг салмақ дәрежесінде және әйелдер арасында 48-ден 70 кг-ға дейінгі салмақ дәрежесінде өнер көрсететін болады. Команда құрамында қоян-қолтық ұрыстан әлем, Азия және Еуропа жүлдегерлері мен чемпиондары бар.
