Қазіргі қазақ киносы десек, Талғат Теменовтің фильмдері көз алдымызға келетіні рас. Сонау 80-жылдардан бері көрермен көзін көгілдір экран арқылы жаулап келе жатқан талантты режиссер жетпіс деген биік белеске шығып, көрерменмен, өнер иелерімен жүздесу үстінде. Жуырда 28-30 қараша күндері аралығында Қазақстанның Халық әртісі, көрнекті кино және театр режиссері, драматург, киносценарист, өнертану профессоры Талғат Теменовтің шығармашылығына арналған «Теменовтің суреткерлік әлемі» атты өнер күндері өтеді.
Бұл өнер күндерінде, Талғат Досымғалиұлының еліміздің театр және кино өнерінің дамуына және жас таланттарды тәрбиелеуге қосқан зор үлесі, өнер жолы жан-жақты көрсетіледі. Өнер күндері аясында Теменовтің режиссерлігімен сахналанған қойылымдар көрермен назарына ұсынылып, танымал фильмдерінен үзінділер көрерменге ұсынылады.
Өнер күндері қайда, қалай өтеді?
28-қараша күні сағат 17:00-18:30 аралығында Қ.Қуанышбаев атындағы Қазақ ұлттық драма театрының кіші залында «Т.Теменов фильмдерінің эстетикасы» атты шығармашылық кездесу өтеді. Ал, кешкі 19:00-де Қазақстанның Халық әртісі, көрнекті кино және театр режиссері, драматург, киносценарист, өнертану профессоры Талғат Теменовтің шығармашылығына арналған «Теменовтің суреткерлік әлемі» атты өнер күндерінің салтанатты ашылуы өтсе, 19:15-те У.Шекспирдің «Отелло» трагедиясын Қ.Қуанышбаев атындағы Қазақ ұлттық музыкалық драма театрының өнер ұжымы сахналайды.
29-қараша күні 15:00-де Талғат Теменовтің «Мыңмен жалғыз алыстым» атты пьесасының ашық оқылымы өтсе, 17:00-де «Т.Теменов фильмдеріндегі көркем бейнелер» атты шығармашылық кездесу өтеді. Ал сағат 19:00-де B.Ежовтың «Тыраулап ұшқан тырналар» лирикалық драмасы Қ.Қуанышбаев атындағы Қазақ ұлттық музыкалық драма театрында көрермен назарына ұсынылмақ.
30-қараша күні сағат 17:00-де осы театрдың Кіші залында «Т.Теменов фильмдеріндегі рухани құндылықтар» атты шығармашылық кездесу өткізіліп, сағат 18:00-де Қазақстанның Халық әртісі, көрнекті кино және театр режиссері, драматург, киносценарист, өнертану профессоры Талғат Теменовтің шығармашылығына арналған «Теменовтің суреткерлік әлемі» атты өнер күндерінің салтанатты жабылуын Ш.Айтматовтың «Қызыл орамалды шынарым» атты лирикалық драмасымен өнер күндері салтанатты түрде жабылады.
Гүлшат САПАРҚЫЗЫ.
