Республика даңғылындағы 15 үйдің қасбеттерінде сәндік жарық орнату жұмыстары аяқталды, деп хабарлайды astana-akshamy.kz.
Заманауи жылы жарық шамдары ғимараттардың бірегей сәулетін айшықтап, ауданға жайлылық пен жылылық атмосферасын сыйлады.
Сонымен қатар, аудан бойынша 54 нысанда сәндік жарықтандыруды қалпына келтіру жұмыстары жүргізілді. Бұл шаралар қаламызды одан да жарық, әрі өмір сүруге қолайлы етеді. Жыл соңына дейін тағы 21 үйдің қасбетінде сәндік жарық жаңартылады.
