Өзбекстанда өткен «Beyond the Sky» халықаралық турнирінде Қазақстан намысын қорғаған елордалық спортшылар жоғары нәтиже көрсетіп, жалпы есепте 1 күміс және 3 қола медаль жеңіп алды, деп хабарлайды astana-akshamy.kz
Атап айтқанда, батутта секіруден Евгения Чернышова күміс медаль иеленсе, синхронды секіруден Аружан Уәлихан, Варвара Шарапова және Платон Холмецкий қола жүлдегер атанды.
«Біздің спортшылар халықаралық аренада еліміздің абыройын асқақтатып, мықты қарсыластар арасында жоғары нәтижеге қол жеткізді. Кейбір спортшылар үшін бұл – халықаралық деңгейдегі алғашқы жарыс. Енді жастар арасындағы әлем чемпионатына дайындалып, үлкен жетістіктерге жету үшін бар күшімізді саламыз», – деді №1 Балалар мен жасөспірімдердің мамандандырылған олимпиадалық резерв спорт мектебінің Батуттық гимнастика бөлімінің аға жаттықтырушысы Елдар Жеңісханов.
Аталған жарысқа Әзербайжан, Польша, Өзбекстан, Ресей және Қазақстан елдерінен 148 спортшы қатысып, үздіктер іріктелді.
