Астана қаласы Кәсіпкерлер палатасының Өңірлік кеңесі мүшелігіне үміткерлерге дауыс беру аяқталды, деп хабарлайды astana-akshamy.kz
Өңірлік сайлау комиссиясының хатшысы Жеңіс Тайшытаев сайлау үш күн бойы Кәсіпкерлер палатасының алаңында өткізілгенін атап өтті.
44 кәсіпкерден тұратын іріктеу науқаны желтоқсан айында басталды. Былтыр 10-24 желтоқсан аралығында құжаттар қабылданып, үміткерлер тіркелді, ал 2025 жылдың 10-19 қаңтар аралығында үгіт-насихат жұмыстары жүргізілді. Негізгі дауыс беру кезеңі 20-22 қаңтар аралығында өтті.
Үміткерлер ретінде Кәсіпкерлер палатасында аккредиттелген салалық кеңестер мүшелері, сондай-ақ өзін-өзі реттейтін ұйымдар мен ассоциациялардың бірінші басшылары немесе ұжымдық орган мүшелері қатыса алды. Сайлау нәтижелері Ұлттық кәсіпкерлер палатасының сайлау комиссиясы тарапынан қаралғаннан кейін жарияланады.
