Елордадағы М.Мақатаев атындағы №74 мектеп-гимназияда Абай Құнанбайұлының 180 жылдығы және Мұқағали Мақатаевтың туған күніне орай Е.Рахмадиев атындағы Мемлекеттік академиялық филармониясы қазақ оркестрінің «Асыл мұра» атты лекция-концерті өтті.
Іс-шара оқушылардың бойына ұлттық сана-сезімді, мәдени құндылықтарды сеуіп, қалыптастыру және көрнекті тұлғалардың өнерін құрметтеу мақсатында ұйымдастырылды. Аталмыш оркестр дирижері, күйші, композитор, Қазақстанның Мәдениет қайраткері Нұрлан Бекенов орындалған әр күйдің шығу тарихын айта отырып, музыканың, ән-күйлердің тәрбиелік мәніне тоқталды. Филармония солистері, мәдениет саласының үздігі Нұрай Танабаев, Сәулежан Тағзия, Мұратбек Хайролда ұлы Абайдың, Мұқағали Мақатаевтың өлеңдеріне жазылған әндерді және патриоттық туындыларды шырқады. Концерт соңында аталған мектеп директоры Еркінжан Бөкейханұлы сөз сөйлеп, филармония ұжымына алғысын жеткізді.
Дайындаған Аманғали ҚАЛЖАНОВ
