Қазақстанда электромобильдерге арналған инфрақұрылымды дамытуға және көлік саласына экологиялық таза технологияларды енгізуге үлес қосатын «Деректерді беру хаттамаларын енгізу негізінде электромобильдерге арналған зарядтау станцияларын жаңғырту» жобасы іске қосылды, деп хабарлайды astana-akshamy.kz
Заманауи технологиялық шешімдерді енгізу арқылы зарядтау станцияларының жұмыс тиімділігін арттыруға бағытталған жобаны Ғылым қорының қолдауымен «Adele Energy Qazaqstan» ЖШС жүзеге асырады. Жобаның мақсаты – алдыңғы қатарлы деректер алмасу технологиялары мен мониторинг жүйелерін қолдану арқылы электромобильдерге арналған зарядтау станцияларын жаңғырту және жетілдіру.
Жобаның электромобильдің BMS жүйесімен деректер алмасу; серверге деректерді жіберу (LTE, Wi-Fi, Ethernet); бағдарламалық жасақтаманы қашықтан жаңарту; кернеуді бақылау (Айнымалы ток, 3 фаза); токты бақылау (8 арна); ағып кеткен токты бақылау (4 арна); құрылғы корпусының температурасын бақылау; авариялық жағдайларды мониторинг жасау артықшылықтары бар.
Бүгінгі таңда Қазақстанда 16 зарядтау станциясы орнатылып, олардың 14-і Астанада, 2-і Алматыда орналасқан.
