Белсенді ұзақ өмір сүру орталығының Сарыарқа ауданындағы филиалында фотосуретші Күләнда Тулебаеваның «Астананың құстары» атты көрмесі ұйымдастырылды, деп хабарлайды astana-akshamy.kz
Көрме әралуандылығымен ерекшеленіп, аудан тұрғындары мен қонақтарының назарына ұсынылды. Фотокөрме арқылы елордада мекендейтін құстар әлемімен танысуға мүмкіндік бар. Көрмеде құстардың әрқайсысының өзіндік ерекшелігін көрсететін фотосуреттер қойылды. Күләнда Сағымбайқызы – Сарыарқа ауданына қарасты Орталық филиалының қызмет алушысы.
Автордың айтуы бойынша, көрменің мақсаты – Астанада мекендейтін құстар туралы хабардар етіп қана қоймай, оларды қорғауды насихаттау.
«Астананың құстары» көрмесі тек танымдық іс- шара ғана емес, қоғам мен табиғат арасындағы байланысты нығайтқан мәдени оқиғаға айналды.
Ұйымдастырушылар фотокөрменің бір апта бойы жалғасатынын айтып, қала тұрғындарын көрмені тамашалауға шақырады.
