Астанада AGRICOM бесінші халықаралық конференциясы өтеді
![](https://www.astana-akshamy.kz/wp-content/uploads/2024/08/logo-780x470.png)
25 қыркүйекте AGRICOM бесінші халықаралық конференциясы өтеді, деп хабарлайды astana-akshamy.kz
Ұйымдастырушы — Grain Market Services компаниясы.
AGRICOM — Қазақстан астық одағының конференциялар, форумдар және дөңгелек үстелдер түріндегі астық саудасын және оны қайта өңдеу өнімдерін дамытуға, астық өндірісіне және астықты сақтау инфрақұрылымына инвестициялар тартуға бағытталған тұрақты іс-шаралар алаңы.
Ағымдағы жылы оған астық өндірумен, сақтаумен және қайта өңдеумен, ауыл шаруашылығы өнімдерінің саудасымен және сапасын инспекциялаумен, астықты қайта өңдеу өнімдерін ауыстырып тиеумен және тасымалдаумен, 10-нан астам елден өсімдіктерді қорғау құралдарын, ауыл шаруашылығы техникасы мен жабдықтарын жеткізумен айналысатын компаниялардың 250-ден астам өкілі қатысады деп күтілуде.
Дәстүр бойынша AGRICOM сессияларында модераторлар мен спикерлер ретінде қазақстандық және шетелдік жетекші сарапшылар сөз сөйлейді.
2024/25 жылдары AGRICOM халықаралық конференциясының өзекті мәселелері — жаңа маусымда қазақстандық астыққа баға белгілеу факторлары, қазақстандық астықтың экспорттық әлеуетін бағалау, қазақстандық астықты экспорттық бағыттарда тасымалдау мүмкіндіктері болады.