Елордалық өрт сөндіруші UWW грэпплинг турнирінде жеңіске жетті
![](https://www.astana-akshamy.kz/wp-content/uploads/2024/08/bed94ce23449b67bd0eeff0930e40fa9_1280x720-780x470.jpg)
Астана қаласы ТЖД Өрт сөндіру қызметінің №17 ӨСБ аға өрт сөндіруші-құтқарушысы Баққуар Хамзе UWW Грэпплинг турнирінде (No Gi) чемпиондық белбеуге ие болды, деп хабарлайды astana-akshamy.kz
Елордада 3-4 тамыз аралығында өткен Astana grappling cup ашық турниріне 100-ге жуық адам қатысты. Онда тек қазақстандық жауынгерлер ғана емес, Бразилия сияқты басқа елдерден де келгендер мықтылар атағы үшін күресті.
Хамзе Баққуар — джиу-джитсудан халықаралық дәрежедегі спорт шебері, сондай-ақ грепплингтен ҚР Спорт шебері. Джиу-джитсудан ұлттық құраманың мүшесі, Қазақстан кубогының бірнеше дүркін чемпионы, грепплингтен Қазақстан кубогының чемпионы. Джиу-джитсудан бірнеше дүркін Азия чемпионы және жүлдегері. Джиу-джитсудан 2 дүркін әлем чемпионы. Жауынгерлік самбодан ҚР чемпионы және жүлдегері, кәсіби панкратионнан әлем чемпионатының финалисті.