Кинематография Қазақстанның туристік бағыттарының тартымдылығын арттыруға ықпал етеді. Осы бағытта Kazakh Tourism халықаралық аренадағы индустрия өкілдерімен ынтымақтастықты кеңейтуде. Продюсер Надира Ахонова Қазақстан туризмінің елшісі атанып, елімізге әлемдік медиа-компаниялар мен Голливуд студияларын тартуды жалғастыруды жоспарлап отыр, деп хабарлайды astana-akshamy.kz
Кездесу барысында Kazakh Tourism басшысы Қайрат Сәдуақасов кино арқылы туризмді ілгерілетудің маңыздылығын атап өтті. Бұл елдің бай мәдениеті мен табиғи ландшафттарының алуан түрлілігін ғана емес, тарихи мұрамызды да паш етуге жол ашады. Компания басшысы Қазақстанның тартымды туристік бағыт ретінде танымалдығының артуына ықпал ететін туризм елшілерінің рөлін де атап өтті. Құрметті миссияны қазақстандық қоғам қайраткерлерімен қатар шетелдік азаматтар да атқарады.
«Қазақстан – бұл шексіз дала мен керемет табиғи пейзаждар ғана емес, сонымен қатар бірегей дәстүрлер, қонақжайлық, бай тарих және халықтың ерекше рухы. Мен фильмдер арқылы әлемді еліміздің бай мұрасымен таныстыруды мақсат тұттым. Енді менің кәсіби қызметім жаңа бағытқа ие болды. Бұл – үлкен жауапкершілікпен және елге қызмет ету құрметіне тікелей байланысты. Менің жоспарым —Қазақстанға фильмдерді бірлесіп шығару үшін Үндістан мен Голливудтан продюсерлерді тарту. Бұл екі кино нарығы әлемдік киноиндустрияда жетекші орын алады. Мен осы процестің бір бөлігі бола алатынымды және әлемге Қазақстанды ашуға көмектесетінімді мақтан тұтамын», – деп атап өтті продюсер.
Продюсер Надира Ахонова киноиндустриядағы өзінің халықаралық тәжірибесі мен байланыстарын пайдалана отырып, Қазақстанда туризмді тегін ілгерілететінін атап өту маңызды. Ол әлемдегі ең ірі медиа компаниялармен және Голливуд студияларымен серіктес. Қазақстан “Эмми” (Genetic Passport), “Telly” (My Kazakhstan, Bloomberg Media) және “Best Feature Film” (the steed, Сан-Диего) сыйлықтарының лауреаты болып табылады. Ол Канн кинофестиваліне discommunication фильмімен және өзінің Seven Rounds жобасымен қатысты. Надира сонымен қатар Bloomberg, SABC, Ұлыбританияның 24 арнасы, HBO, PPTV, France 24, SVT, YLE, DR, CGTN, CNA, Sunday Times, NY Times және басқа да жетекші әлемдік арналардың жаңалықтар репортаждары мен деректі фильмдерінің продюсері. Қазір продюсер CNA-мен “Саламатты Қазақстан” жобасы туралы “Reaching the Unreached”деректі фильмінде жұмыс істейді. Оның премьерасы Астанада немесе Алматыда болуы мүмкін. Сондай-ақ, фильмді халықаралық фестивальдарда көрсету жоспарлануда.
