Елорда мен Орал арасында жаңа вагондар қатынай бастады, деп хабарлайды astana-akshamy.kz
Теміржол көлігіндегі жолаушылар тасымалының сапасын арттыру мақсатында отандық жеке тасымалдаушы «Сары-арқа компани» вагон паркін жаңарту жұмыстарын жүргізуде. Атап айтсақ, тасымалдаушы «Орал-Астана (Нұрлы жол)» бағыты бойынша қатынайтын 58/57 нөмірлі жолаушылар пойызының құрамына үш жаңа вагон қосты. Бұл туралы Теміржол және су көлігі комитеті хабарлады.
Сонымен қатар тасымалдаушы екі вагонның ішкі интерьерін толығымен жаңартты. Жолаушылардың қауіпсіздігін арттыру үшін бейнебақылау жүйесін орнатып, әр вагонда электронды құрылғылар мен гаджеттерді қуаттауға арналған USB қойды.
Еске сала кетейік, өткен жылы жолаушылар қауіпсіздігін қамтамасыз ету мақсатында аталған компания он жолаушылар вагонына бейнебақылау жүйесін орнатқан еді. Ал 2025 жылдың басында дәл осы бағытта қатынайтын (Орал-Астана) тағы бір жаңа қосымша вагон тіркеді.
