Астанадағы су қоймасында бір отбасыдан төрт адам суға батып кетті, деп хабарлайды www.astana-akshamy.kz
Ақмола облысы ТЖД баспасөз қызметі мәліметінше, қайғылы оқиға Аршалы ауданы, Арнасай ауылынан 2 шақырым жерде болған.
«Оқиға куәгерлері 1980 жылы туған әйел мен 2001 жылы туған қыздың мәйіттерін тапты. 1977 және 2000 жылы туған екі ер адамның денесін іздестіру жұмыстарын Ақмола облысы Төтенше жағдайлар департаменті мен Астана құтқарушылары жүргізіп жатыр», — делінген ведомство хабарламасында.
Оқиғаның суға түсуге тыйым салынған жерде болғаны айтылды. Облыстың төтенше жағдайлар қызметі азаматтарды судағы қауіпсіздік шараларын сақтауға шақырады.
