Әз Жәнібек сұлтанға арнап XIV ғасырда жазылған қолжазба табылды
![](https://www.astana-akshamy.kz/wp-content/uploads/2024/08/2d65a4e9-ada9-40dc-a291-b544161c5ce9-721x470.jpg)
Әз Жәнібек сұлтанға арнап XIV ғасырда жазылған қолжазба табылды, деп хабарлайды astana-akshamy.kz.
1334 жылы Әз Жәнібек сұлтанға арнап жазылған 96 беттік қолжазба табылды. Қолжазбада Әз Жәнібек ханның түпатасы Шыңғыс ханнан өз әкесі Өзбек ханға дейінгі ататегі қысқаша алтын нақышпен беріліп, негізгі мәтінде хикметтер туралы баяндалған.
Қолжазбаның ішкі мұқабасында Осман сұлтаны ІІ Баязидтің (1447-1512) мөрі қойылған.
Аталған тарихи мұраны ҚР Мәдениет және ақпарат министрлігінің ұйымдастыруымен
«Архив-2025» кешенді жоспары аясында Түркияның Ыстанбұл қаласында өткен ғылыми-зерттеу жұмыстары барысында Орталық мемлекеттік архивінің қызметкері, қазақ ғалымы Өмірбек Қанай анықтады.
Қазіргі таңда аса құнды қолжазбаның көшірмесі Қазақстанға жеткізіліп, әрі қарай зерттеу жұмыстары жалғасуда.