«Таза Қазақстан» республикалық акциясы жалғасып жатыр. Бұл жолы оған Ақмола облысы Аршалы ауданының тұрғындары қосылды. Аталмыш іс-шара қыркүйектің соңғы жексенбісінде белгіленген Еңбек күніне орайластырылды, деп хабарлайды astana-akshamy.kz
Акцияға жастар ұйымдары, азаматтық сектор өкілдері, аудандық мәслихат депутаттары, еріктілер, «Жасыл Ел» жасағы және жергілікті коммуналдық қызметтер – барлығы 250 адам қатысты.
Барлығы жұмылып 16 м3 қоқыс жинап шығарды.
«Таза Қазақстан» акциясының негізгі мақсаты – қала тұрғындарының экологиялық мәдениетін арттыру, табиғатты аялап, қоршаған ортаға таза ұстауды насихаттау.
Жоба басталғалы Ақмола облысында 500-ден астам экологиялық іс-шара өтті, оған 600 мыңға жуық адам қатысты.
