Сарыарқа ауданында алдағы жылу беру маусымына дайындық жұмысы аяқталуға жақын.
Коммуналдық қызметтер мен қызмет көрсету ұйымдарымен бірлесе отырып, жылу алмастырғыштардағы қазандықтарды ауыстыру, жаңа крандарды орнату, сондай-ақ жылу тізбектерін шаю және қысымды сынау сияқты ауқымды жұмыс жүргізілді. Дайындық шаралары көктемде басталып, бүгінде аудан жылу маусымына 93 пайызға дайын.
Барлық жұмыс белгіленген кестеге сәйкес жүргізілуде. Аудан әкімдігінің қызметкерлері «Астана-Теплотранзит» АҚ-пен бірлесіп, күнделікті тұрғындармен жиналыс өткізіп, дайындықтың ағымдағы жай-күйін және қысқы кезеңге дайындық бойынша алдағы іс-шараларды түсіндіруде.
Айта кетейік, құбырларды жөндеу және басқа да дайындық жұмысы үй иелерінің қаражаты есебінен жүзеге асады. Осыған байланысты аудан әкімдігі тұрғындарды дайындық жұмысын уақытылы орындауға, ортақ мүлікті күтіп ұстау және жөндеу бойынша қажетті қаражат жинауға белсенді қатысуға шақырады.
Гүлбаршын ӨКЕШҚЫЗЫ
