2024 жылғы 19 қарашада Миланда туризм саласындағы ынтымақтастықты нығайту мақсатында «Астана-Милан 2024» роуд-шоуы өтеді. Оны Астана қаласының әкімдігі және Visit Astana ұйымдастырады, деп хабарлайды astana-akshamy.kz
Іс-шара спикерлері – ҚР Италия Республикасындағы Төтенше және Өкілетті елшісі Ерболат Сембаев, «Kazakh Tourism» ҰК» АҚ , «Астана даму орталығы» ЖШС өкілдері, ACIK президенті Марко Беретта және CCIK президенті Паоло Гирелли.
Іс-шараға қазақстандық туроператорлар, қонақ үй желілері, туристік агенттіктер және медиа өкілдері шақырылды. Бұл екіжақты ынтымақтастықты дамыту үшін жаңа іскерлік байланыстар орнатуға мүмкіндік береді.
Роуд-шоу бағдарламасына Астананың туристік мүмкіндіктерінің таныстырылымы, интерактивті сессиялар және B2B кездесулер кіреді. Қатысушылар серіктестікті және Қазақстан астанасын итальяндық туристік нарықта ілгерілету перспективаларын талқылай алады.
Қосымша ақпарат алу және роуд-шоуға қатысу үшін көрсетілген телефон нөмірлері арқылы хабарласу қажет: +7 707 976 72 59, a.zhakupova@adc.com.kz.
