1-8 наурыз аралығында елорданың «Конгресс-холл» сарайында халықаралық әйелдер күніне байланысты «8 наурызға арналған сыйлықтар» көрме-жәрмеңкесі өтеді.
Астана тұрғындары мен қонақтарына арнап мерекелік бағдарлама да ұсынылмақ. Жәрмеңкеде әйелдерге, қыздарға, аналарға, құрбыларға арналған сыйлықтың неше түрін табуға болады. Ұйымдастырушылардың
хабарлауынша, кәдесыйлар, зергерлік бұйымдар, косметика, парфюмерия өнімдері, ойыншықтар, тоқыма бұйымдары, денсаулыққа және үйге арналған тауарлардың алуан түрі болады.
Жәрмеңке барысында ұтыс ойыны өткізіліп, мерекелік кеш соңы би, ойын-сауық бағдарламасына жалғасады.
