Жаңалықтар
Әділет күні аталып өтті
Елбасы Жарлығына сәйкес, 30 қыркүйек Әділет органдары күні болып белгіленді. Астана қаласының Әділет департаментінде бұл мереке биыл алғаш рет мемлекеттік деңгейде аталып өтті.
Салтанатты жиынға Астана қаласының бірқатар орган басшылары қатысты. Әділет органдарының өркендеуіне үлес қосқан құрметті ардагерлерге қала әкімі Иманғали Тасмағамбетовтың атынан грамота тапсырылды. Лайық деп танылғандардың қатарында Нұрия Байзақова, Күлзия Малғаждарова, Райса Курнусова, Ирина Андреевских, Галина Жалпақова және Фатима Мұхаметовалар бар. Ал департаменттің бірқатар жас мамандары алғыс хатпен марапатталды.