Мемлекет басшысы осы аптада Премьер-министр Серік Ахметовті қабылдады.
Ақорданың ресми сайты хабарлағандай, кездесуде еліміздің бірінші жартыжылдықтағы әлеуметтік-экономикалық дамуы баяндалды. «Біздің негізгі экспорттық серіктестерімізге дағдарыстың ықпал етуіне қарамастан, жыл қорытындысы бойынша жалпы ішкі өнімнің 6 пайызға артуын күтудеміз. Өсім экономиканың іс жүзінде барлық саласында байқалуда, негізгі капиталға инвестиция арттырылуда. Өз кезегінде инфляция деңгейі 2,7 пайызды құрады, бұл ел халқының кірісі артуына оң ықпал етеді» деген Серік Ахметов басқа да жұмыс жоспарларымен бөлісті.
Гүлмира АЙМАҒАНБЕТ
