АЙМАҚТЫҚ ФОРУМ ӨТЕДІ
«Жасыл экономикаға көшу жөніндегі» Мемлекет басшысы Нұрсұлтан Назарбаев бекіткен тұжырымдаманы түсіндіру мақсатында 1 қараша күні Көкшетау қаласында Қоршаған ортаны қорғау министрлігі «Жасыл экономиканы қолдау және G-Global-ды дамыту» коалициясымен бірлесіп, Ақмола облысының әкімдігі мен ЕҚЫҰ-ның Астанадағы орталығы, БҰҰ-ның Қазақстандағы даму бағдарламасының өкілдігінің қолдауымен «Жасыл өсімнің өңірлік нүктелерінің жүйесін қалыптастыру» атты аймақтық форумды өткізеді. Бұл жөнінде кеше ҚР Президенті жанындағы Орталық
коммуникациялар қызметінің дәстүрлі брифингінде ОКҚ ресми өкілі Алтай Әбибуллаев хабарлады.
Форумда «ЭКСПО-
2017» халықаралық көрмесі дәріптеліп, жасыл экономиканың ауыл шаруашылығындағы, су ресурстарындағы әлеуеті, қайта өндеу секторының даму перспективалары талқыланады.
Аманғали ШМИТҰЛЫ