Астананың айналма жолы екі аптаға жабылады, деп хабарлайды astana-akshamy.kz
Сол себеп Астана-Қарағанды тас жолындағы күрмеужолдан бастап Шұбар ауылына дейінгі бұрылыс аралығында көлік қозғалысына тыйым салынады.
Орташа жөндеу жұмыстарына байланысты Р-10 «Астана айналма жолы» автожолының 30-36 шақырымы учаскесінде қозғалысқа шектеу қойылады. Бұл жайында ҚазАвтоЖол ұлттық компаниясы хабарлады.
Акционерлік қоғам таратқан мәліметке сенсек, 2024 жылғы 14 қыркүйектен 1 қазанға дейінгі аралықта «Астана айналма жолы» автомобиль жолының 30-36 шақырымы учаскесінде орташа жөндеу жұмыстары жүргізіледі.
