Айтулы сертификатқа ие болдық
Серік Ақшолақов, Республикалық нейрохирургия ғылыми орталығының басқарма басшысы
Бұл апта біз үшін жағымды жаңалықтарға толы болды. 30 сәуір күні Республикалық нейрохирургия ғылыми орталығының халықаралық Joint Commission International (JCI) Біріккен комиссиясында тіркелгені туралы сертификатын тапсырудың салтанатты рәсімі өтті.
Бұл жетістік – сапа мен қызмет көрсету қауіпсіздігінің нақты танылған «алтын стандарты» болып табылады. Біздің орталық – JCI халықаралық Біріккен Комиссиясы аккредитациясына өз алдына ие болған Қазақстандағы тұңғыш мекеме. Бұл қазақстандық дәрігерлердің, медицина бикелері мен денсаулық сақтау әкімшілерінің жоғары әлеуетін білдіреді деп ойлаймын.
Бүгінде әлемнің 90-нан астам елінде 450-ге тарта медициналық ұйымдар JCI халықаралық Біріккен Комиссиясында аккредитацияланған. «Республикалық нейрохирургия ғылыми орталығы» АҚ аталған аккредитацияны алған еліміздегі екінші, ТМД-дағы үшінші ұйым. Аккредитация мәртебесі аудиторлар тобының тексеруіне сәйкес 1200 халықаралық стандарт талаптарына сәйкескен жағдайда ғана беріледі. Аталған стандарт бойынша, медициналық ұйымдағы барлық бөлімшелер мен үдерістер бағаланады. Атап айтқанда: дәрігердің емдеуі мен медбикенің ғимараттың қауіпсіздігіне, жұқпалы ауруларды бақылау, медикаменттермен жұмыс істеу, пациенттің құқын қорғауға дейінгі жауап беруі, тағы басқалар ескеріледі. Бұл іс-шараға ҚР Премьер-министрінің орынбасары Е.Орынбаев, ҚР Денсаулық сақтау вице-министрі Б.Төкежанов, «Назарбаев Университеті» АҚ ректор-президенті Shigeo Katsu, «НМХ» АҚ басқарма төрағасы А.Kenneth, ҚР Парламентінің депутаттары қатысты. Бұл – біз үшін үлкен мәртебе. Халықтың денсаулығын қадағалауда алдағы уақытта да сапалы қызмет көрсетеміз деген сенімдемін.