ҚР Тұңғыш Президентінің күніне орай Астанада жергілікті бюджет есебінен тұрмысы төмен 200 отбасыға азық-түліктер түрінде әлеуметтік көмек көрсетіледі.
Азық-түлік жиынтығына 25 кг макарон өнімі, 25 кг күріш, 5 кг қант, 5 литр сұйық май кіреді. Азық-түліктерді мекенжайлар бойынша жеткізуді жабдықтаушы Жұмыспен қамту және әлеуметтік қорғау басқармасымен бірлесіп қамтамасыз етеді. Бұдан бөлек, Ұлы Отан соғысына қатысушылар мен мүгедектері 20 мың теңге көлемінде әлеуметтік көмек алса, Ұлы Отан соғысына қатысушыларға теңестірілгендерге және мүгедектерге, тыл қызметкерлеріне, қаза болған әскери қызметшілердің отбасы мүшелеріне 10 мың теңгеден беріледі. Қалада аталған әлеуметтік көмекпен 7 мыңнан астам адам қамтылады. Акция 28-30 қарашада өтеді.
