Әлеумет
Алло, «Астана ақшамы»!
Серік ҚАЙРАТҰЛЫ, Астана қаласының тұрғыны:
– Астана қаласындағы қоғамдық көліктерде жоғалған немесе ұмыт қалдырылған заттарды қайдан табуға болады? Арнайы орындар қарастырылған ба?
Бұл сауалға «Astana LRT» ЖШС баспасөз хатшысы Әлия Жәркімбекова жауап берді.
– Мұндай жағдайда бізге хабарласыңыздар немесе Instagram, Facebook әлеуметтік желілеріндегі парақшаларымызға жоғалтып алған затыңыз жайлы жазыңыздар. Елордада автобус жүргізушілері жұмыс уақыты аяқталғаннан кейін салон ішінен табылған заттарды автопаркке өткізеді. Жоғалған мүліктеріңіз сол жерде сақталып тұрады. «Astana LRT» байланыс орталығына осы мәселеге қатысты күніне 3-4 адам хабарласады.
Ал жолаушы ең алдымен мінген автобусының қай автопаркке бағынатынын анықтап алғаны жөн.