Қоғам
Ананың алғысын алды
«Астана ақшамы» газетіне ақ жаулықты ана өзін емдеген дәрігерге алғыс айтуға келіпті.
Өзін еңбек ардагері әрі зейнеткер Рахима Нұртайқызы деп таныстырған қария қыста көктайғақта құлап, омыртқасын ауыртып алғаннан кейін №2 емханаға көрініпті. Оны осы емдеу мекемесінің мамандары Республикалық ғылыми травматология және ортопедия институтына жіберген. Онда ота жасатудан бас тартқан зейнеткер мануальды терапия орталығына хабарласады. «Мені қабылдаған дәрігер Ходжамжаров Бауыржан Ержанұлы жас маман екен. Сырқатымды сол күні-ақ емдей бастады. Мінезі биязы, өте қарапайым дәрігердің дұрыс емінен кейін жазылып кеттім. Дәрігерлердің бәрі осындай-ақ болсын» дейді Рахима Қылышниязова.