Қала мен Сала
Анықтама қағазды алыстан іздемейсіз
Бүгінде жұртшылық наркологиялық дипансерде және жүйке жүйесі аурулары бойынша есепте тұрмайтындығы жөніндегі анықтама қағаздарды міндетті түрде тиісті мекемеден барып алады. Ал болашақта мұндай құжаттарды үйіңіздің маңайындағы мамандандырылған Халыққа қызмет көрсету орталығынан да алуға мүмкіндік туатын болды.
Бұл туралы мәселе Көлік және коммуникация министрі Асқар Жұмағалиев пен денсаулық сақтау министрі Салидат Қайырбекованың өзара кездесуінде көтерілді. Жоба нақты жүзеге асырылғанда, медициналық қызметкерлер Халыққа қызмет көрсету орталығында да аталмыш анықтама қағаздарды бере бастайтын болады.