Осы аптада Мемлекет басшысы Нұрсұлтан Назарбаев «Қазақстан Республикасының кейбір заңнамалық актілеріне денсаулық сақтау мәселелері бойынша өзгерістер мен толықтыру енгізу туралы», «Қазақстан Республикасының мемлекеттiк рәмiздерi туралы» Қазақстан Республикасының Конституциялық заңына өзгерiстер мен толықтырулар енгiзу туралы» және «Қазақстан Республикасының кейбір заңнамалық актілеріне мемлекеттік рәміздер мәселелері бойынша өзгерістер мен толықтырулар енгізу туралы» Заң жобаларына қол қойды.
Аталған заңдардың алғашқысы ел халқына кепілді көлемде тегін медициналық көмек көрсетуді дер кезінде қамтамасыз етуге бағытталса, соңғылары мемлекеттік рәміздері туралы заңнаманы бұзушылыққа жауапкершілікті күшейтуге, сондай-ақ оның сақталуын қамтамасыз етуге бағытталған.
Заңның мәтіні баспасөзде жарияланады.
