АПТА БАСЫНДА КҮН САЛҚЫНДАЙДЫ
Күннің күрт ысып кетуі Астана тұрғындарын таңғалдырып тастағаны рас. Мұндай жаймашуақ ауа райы ұзаққа сақтала ма деген сауалмен «Қазгидромет» орталығына хабарластық. Біздің сұрағымызға аталған мекемедегі Ауа райын қысқа мерзімге болжау басқармасының басшысы Ардақ Кәлменова жауап берді.
– Бүгін температура 27 градусқа дейін көтеріледі. Жел де тынық. Есесіне ертең жаңбыр жаууы мүмкін. Күндіз +14, түнде +11 градус. Шығыстан соққан желдің жылдамдығы секундына 15-20 метрге дейін жетуі ықтимал. Ал дүйсенбіде жауын-шашын мөлшері артып, күн салқындайды. Сейсенбі, сәрсенбі күндері түнгі ауа температурасы 0 градусқа дейін төмендейді деп күтілуде. Бірақ аптаның екінші жартысында ауа райы қолайлы қалыпқа көшіп, жел азаяды, – дейді маман.
Ботагөз МАРАТҚЫЗЫ