Биылғы жылды мемлекетiмiз «Аналар жылы» деп белгiледi. Осыған орай, «Аналарға арналған бақ жасайық» атты ұранмен барша Қазақстан халқын «Дәстүрлi ағаш егу мерекесiне» шақырамыз.
Аналарға арналған бақ «Батыр ана» бағы деп аталмақ. «Батыр ана» бағын Алматы облысы аумағындағы 10 гектар жерге отырғызуды жоспарлап отырмыз. Ағаштарды егу жұмыстары ертең басталады. Он бес күннiң iшiнде, яғни 15 сәуiрге дейiн өз бiрлестiгiмнiң және ауыл тұрғындарының қолдауымен 3 мыңнан аса алуан түрлi ағаштар мен 3 мың қылқан жапырақты ағаштар мен бұталарды отырғызатын боламыз.
Бiздiң бұл бастамамыз елiмiздiң әр өңiрiнде қолдауға ие болады деген үмiттемiз.
