Құрылыс саласындағы жаңа бағдарлама бойынша елімізде алдағы уақытта миллиондаған шаршы метр бас-пана берілмек.
«Менеджмент Жылжымайтын мүлік қоры» ЖШС кім қайда, қандай пәтерде тұрғысы келетінін анықтау мақсатымен, тұрғындар арасында сауалнама жүргізді.
Сауалнамаға қатысқандардың 87 пайызы өздерінің тұрғын үйлерін үлкейткісі келетінін көрсеткен.
56 пайызы құрылыс материалдарының құрылыс жұмысының сапалы болуына баса назар аудару қажеттігін айтқан.
44 пайызы пәтерлерінің ауданы 125 шаршы метрден жоғары болса деп көрсетсе, 27 пайызы 90-125 шаршы метр, ал, 35 пайызы 50-90 шаршы метр жеткілікті екенін айтыпты.
Сауалнама негізінен Астана қаласында жүргізілген болатын. Оған қатысқан жандардың 77 пайызы Есілдің сол жағалауында тұрғысы келетінін білдіріпті.
