АПТА ЖАҢАЛЫҒЫ
Бұдан былай қазақстандық темір тұлпар иелері Жол полициясы тарапынан салынған айыппұлды банк карталары мен ұялы телефон арқылы төлей алады.
Халық банкі мен Интервэйл Қазақстан компаниясы MyPaykz төлем жүйесі бойынша осындай мүмкіндік туғызып отыр.
«МАИ айыппұлдары» деген тармақты таңдап алу керек. Мұнда айыппұл төлемінің екі түрлі нұсқасы қарастырылған. Біріншісі, жүргізуші куәлігінің мәліметтерін және ЖСН-ды енгізу арқылы, екіншісі, тәртіп бұзушылық туралы қаулы нөмірін, сериясын, күнін және ЖСН-ды енгізу арқылы жүзеге асырылады.
Бұл қызметті MyPaykz сервисі орнатылған ұялы телефон арқылы да пайдалануға болады.
МАИ айыппұлдарын төлеу функциялары бар жаңартылған қосымшаларды ОС j2me, Symbian, WindowsMobile, Android үшін GooglePlay-дан жүктеп алуға болады. Сондай-ақ NokiaStore дүкені мен wap.mypay.kz. сайтынан да алуға болады. I-Phone үшін AppStore-де жарияланған қосымшаны жаңарту қажет.
MyPaykz қосымшасының көмегімен қазақстандықтар интернет, телевидение, коммуналдық және басқа да қызметтер үшін ақы төлей алады. Таяу уақытта мұндай қызмет түрлерінің тізімі ұялы телефон арқылы салық төлеу, темір жол және авиа билеттері үшін ақы төлеу, сондай-ақ карточкадан карточкаға ақша аудару сияқты мүмкіндіктермен толықтырылады деген де мәлімет бар.