7 сәуiр – Бүкiләлемдiк денсаулық күнi. Осыған орай Астанада «Белсендi ұзақ өмiр» акциясы өтедi.
Акция аясында денсаулықты сақтау және нығайту мәселелерi бойынша мамандар кеңес берiп, қан қысымын өлшеу шаралары жүргiзiледi. Қариялардың қатысуымен «Тайцзи-цюань» сауықтыру бағдарламасы және қытай гимнастикасы бойынша шеберлiк-сабақтар өткiзiледi. Шараға Дүниежүзiлiк денсаулық сақтау ұйымының және үкiметтiк емес ұйымдардың өкiлдерi қатысады.
