تسيفرلاندىرۋ جانە مەملەكەتتىك قىزمەت باسقارماسىنىڭ, «Astana Innovations» اق مەن «ترانستەلەكوم» اق وكىلدەرىمەن وتكەن كەزدەسۋى بارىسىندا الماتى اۋدانىنىڭ جەلەزنودوروجنىي, پرومىشلەننىي تۇرعىن الاپتارىندا بەينەباقىلاۋ جۇيەلەرىن ورناتۋ ءارى ينتەرنەت ساپاسىن جاقسارتۋ ماسەلەلەرى قارالدى.
تامىز ايىنىڭ سوڭىنا دەيىن جەلەزنودوروجنىي تۇرعىن الابىندا «سەرگەك» بىرىڭعاي جۇيەسىنە بىرىكتىرىلگەن بەس بەينەباقىلاۋ كامەراسى ورنالاستىرىلادى. اتاپ ايتساق, وسى تۇرعىن الاپتاعى اينالما جولدا, يماناق كوشەسىندەگى الاڭ مەن ج.جاباەۆ كوشەسىندەگى № 12 جانە № 14 ۇيلەردە جانە №29 ورتا مەكتەپ ماڭىنا بەينەباقىلاۋ كامەرالارى ورناتىلادى.
سونداي-اق پرومىشلەننىي تۇرعىن الابىندا تاعى ءتورت كامەرا پايدا بولادى. ولاردى شالكودە كوشەسىندەگى № 1 جانە № 6 ۇيلەردە, م.تولەباەۆ كوشەسىندەگى № 25 ءۇي مەن كوكجەلەك كوشەسىندەگى № 2 ۇيدە ورنالاستىرۋ جوسپارلانعان.
جالپى, اۋدان اۋماعىندا 6042 بەينەباقىلاۋ كامەراسى جۇمىس ىستەيدى. ونىڭ ىشىندە 213 كامەرا قيىلىستاردا جانە ءۇي ماڭىنداعى اۋماقتاردا قالعان ادامدار كوپ جينالاتىن ورىنداردا ورناتىلعان.
جىل سوڭىنا دەيىن كەنتتەردە بايلانىس ينفراقۇرىلىمى دا جاڭعىرتىلاتىن بولادى. وندا جاڭا تىرەكتەر ورناتىلىپ, تالشىقتى-وپتيكالىق لينيالار وتكىزىلەدى.
