استانا جاستارى كاسىپكەرلىكتى دامىتۋدىڭ 2021-2025 جىلدارعا ارنالعان ۇلتتىق جوباسى اياسىندا جەڭىلدەتىلگەن نەسيە الا الادى. بۇگىنگى تاڭدا ەلوردادا جىلدىق 2,5 پايىزبەن شاعىن نەسيەلەۋ جۇيەسى ارقىلى جاس كاسىپكەرلەرگە ستارتاپ اشۋ مۇمكىندىگى قولجەتىمدى بولىپ وتىر. سونىمەن قاتار جاستاردى جۇمىسپەن قامتۋ بويىنشا بىرقاتار باعدارلامالار ىسكە قوسىلعان.
جاس كاسىپكەرلەردى قولداۋ, ولاردى جۇمىسپەن قامتۋ – كۇن تارتىبىنەن تۇسپەيتىن ماسەلەلەردىڭ ءبىرى. وسى ورايدا كەشە استانا قالاسىنىڭ جاستار سارايىندا ەلوردالىق جاستارمەن كەزدەسۋ ۇيىمداستىرىلىپ, جاستارعا شاعىن نەسيە بەرۋ, جۇمىسپەن قامتۋ جانە «جاسىل ەل» مەملەكەتتىك باعدارلاماسى بويىنشا اقپاراتتىق-ءتۇسىندىرۋ جۇمىسى جۇرگىزىلدى. سونداي-اق بوس جۇمىس ورىندارى جارمەڭكەسى ءوتىپ, 16 جۇمىس بەرۋشى 300-گە تارتا بوس جۇمىس ورنىن ۇسىندى.
سوڭعى كەزدە ەلوردادا جاس كاسىپكەرلەردى قولداۋعا بارىنشا جاعداي جاسالۋدا. ونىڭ ىشىندە جىلدىق 2,5 پايىزبەن جەڭىلدەتىلگەن شاعىن نەسيەلەۋ تەتىگىنىڭ ارقاسىندا جاستارعا ستارتاپ اشۋ مۇمكىندىگى قولجەتىمدى.
ەلوردا جاستارى كاسىپكەرلىكتى دامىتۋدىڭ 2021-2025 جىلدارعا ارنالعان ۇلتتىق جوباسى اياسىندا جەڭىلدەتىلگەن نەسيە الا الادى.
– شاعىن نەسيەلەر اگرونەسيەلىك كورپوراتسيا ارقىلى جۇزەگە اسىرىلادى. بۇل شاعىن نەسيە 21 مەن 35 جاس ارالىعىنداعى جاس كاسىپكەرلەردى قولداۋعا باعىتتالعان. ول كونكۋرس نەگىزىندە بەرىلەدى. جەڭىلدەتىلگەن نەسيەنىڭ شارتتارى: نومينالدى سىياقى مولشەرلەمەسى – جىلدىق 2,5 پايىز; نەسيەنىڭ ماكسيمالدى سوماسى – 5 ملن تەڭگە (كەپىلدىكپەن). مەرزىمى – 5 جىل. مال شارۋاشىلىعىنا – 7 جىل, – دەدى جۇمىسپەن قامتۋ جانە الەۋمەتتىك قورعاۋ باسقارماسى باسشىسىنىڭ ورىنباسارى ەرلان ءجۇسىپوۆ.
ءوتىنىش بەرگەن كەزدە جەكە كاسىپكەر رەتىندە تىركەلۋ مەرزىمى 5 جىلدان اسپاۋى كەرەك. سونىمەن قاتار, ميكروكرەديت بەرۋ مەرزىمىنىڭ ۇشتەن ءبىر بولىگى ءۇشىن نەگىزگى بورىشتى وتەۋ جانە سىياقى تولەۋ بويىنشا جەڭىلدىك كەزەڭى قاراستىرىلعان. مىندەتتى شارت – كەپىلزاتتىڭ بولۋى. كەپىل رەتىندە جىلجىمالى دا, جىلجىمايتىن مۇلىك تە قابىلدانادى. ولار بولماعان جاعدايدا, كەپىل بەرۋشىنى تارتۋ كوزدەلەدى. كەپىل بەرۋشى جاستاردىڭ اتا-اناسى, تۋىستارى جانە باسقا دا سەنىمدى ادامدار بولۋى مۇمكىن. سونىمەن قاتار سوڭعى ەكى جىلدا نەسيە تاريحى بويىنشا 180 كۇننەن ارتىق كەشىكتىرۋدىڭ بولماۋى قاجەت.
استانا قالاسى جۇمىسپەن قامتۋ جانە الەۋمەتتىك قورعاۋ باسقارماسى باسشىسى ورىنباسارىنىڭ ايتۋىنشا, بيىل بۇل ماقساتتا 562 ميكروكرەديت قىزمەتىن الۋشىعا رەسپۋبليكا بيۋدجەتىنەن 2,8 ملرد تەڭگە قاراستىرىلعان. سونداي-اق كەپىلگە قويىلعان مۇلىكتىڭ استانا قالاسىنىڭ اۋماعىندا بولۋى مىندەتتى ەمەس جانە ونى قازاقستان رەسپۋبليكاسىنىڭ بۇكىل اۋماعىندا تىركەۋگە بولادى. جاستاردى جۇمىسقا تارتۋ بويىنشا جۇمىسپەن قامتۋ ورتالىعى «قوعامدىق جۇمىستار», «جاستار پراكتيكاسى», «الەۋمەتتىك جۇمىس ورىندارى», «العاشقى جۇمىس ورنى», «ۇرپاقتار كەلىسىمشارتى» سەكىلدى جۇمىسقا ورنالاستىرۋ باعدارلامالارىنىڭ تالاپتارىمەن دە تانىستىردى.
«اگرارلىق نەسيە كورپوراتسياسى» اق ەلورداداعى فيليالى ديرەكتورىنىڭ نەسيەلەۋ جونىندەگى ورىنباسارى ولجاس بايماحانوۆ ميكروكرەديت الۋ ءۇشىن ءوتىنىش بەرۋشى بىرنەشە قۇجات تاپسىرۋى كەرەك ەكەنىن اتاپ ءوتتى.
– ءوتىنىش بەرۋشى الدىمەن, جەكە باسىن راستايتىن كۋالىگى مەن بيزنەس جوسپارىن تاپسىرۋى قاجەت. سودان سوڭ ونىڭ جەكە شوتى بار ەكەنىن راستايتىن بانك انىقتاماسى بولۋى كەرەك. ەگەر ءوتىنىش بەرۋشى ازاماتتىڭ اتىندا نەسيەلەر بولعان جاعدايدا, نەسيە بەرەشەگىنىڭ, ونىڭ ىشىندە مەرزىمى وتكەن بەرەشەگىنىڭ بار نەمەسە جوق ەكەنى تۋرالى انىقتاما تالاپ ەتىلەدى. ءوتىنىش بەرۋشى جۇمىس ىستەيتىن ازامات بولسا, وندا جالاقىسى مەن باسقا دا تابىسىن راستايتىن قۇجاتتى كورسەتۋى كەرەك. سونداي-اق كەپىلگە بەرىلگەن مۇلىكتى باعالاۋ تۋرالى ەسەپ جانە باسقا دا قۇجاتتار بولۋى قاجەت, – دەدى ولجاس بايماحانوۆ.
جيىن بارىسىندا «ستۋدەنتتىك قۇرىلىس جانە جاستار وتريادتارىنىڭ رەسپۋبليكالىق قوزعالىسى» قوعامدىق قورى توراعاسىنىڭ ورىنباسارى اسىلبەك ءابدىراشيتوۆ ەلوردادا «جاسىل ەل» جاستار ەڭبەك جاساقتارىنىڭ حIX ەڭبەك ماۋسىمى باستاۋ العانىن ايتىپ, جۇمىس ىستەۋگە قىزىعۋشىلىق تانىتقان جاستاردى مەملەكەتتىك باعدارلاماعا قاتىسۋعا شاقىردى. بيىل 4200 ءجاسوسپىرىم مەن جاستاردى جۇمىسپەن قامتۋ كوزدەلگەن. ولاردىڭ قاتارىندا جاسى 14-تەن اسقان مەكتەپ وقۋشىلارى, ستۋدەنتتەر, كوپبالالى جانە الەۋمەتتىك از قامتىلعان وتباسىلاردىڭ بالالارى, 35 جاسقا دەيىنگى جۇمىسسىز جاستار دا بار.
جاستاردى جۇمىسپەن قامتۋدا كەزەكتى بوس جۇمىس ورىندارى جارمەڭكەسى ۇيىمداستىرىلىپ, جۇمىسسىز جاستارعا 273 بوس جۇمىس ورنى ۇسىنىلدى. جارمەڭكەگە 910 جۇمىسسىز جاس قاتىستى. 16 جۇمىس بەرۋشىنىڭ قاتارىندا «قازپوشتا» اق, «Jusan Bank» اق, «Retro Retail» جشس جانە قالالىق پوليتسيا دەپارتامەنتى, جۇمىسپەن قامتۋ جانە الەۋمەتتىك قورعاۋ باسقارماسىنىڭ وكىلدەرى قاتىسىپ, مەكەمەلەر جۇمىس ىزدەپ جۇرگەن ازاماتتارعا اقپاراتتىق-ءتۇسىندىرۋ جۇمىسىن جۇرگىزىپ, تۇيىندەمەسىن قابىلدادى. وسىلايشا ەلوردالىق جاستار بىرنەشە جۇمىس بەرۋشىلەرمەن ءبىر جەردە تىكەلەي سويلەسۋگە تاماشا مۇمكىندىك الدى.
