ەلوردا تىنىسى
كۇيشىلەر اللەياسى اشىلدى
ەلوردادا رەسپۋبليكا كۇنىنە وراي كۇيشىلەر اللەياسى اشىلىپ, ساياباقتا 101 كۇيشىنىڭ ەسىمى جازىلعان ەسكەرتكىش قويىلدى.
ەسكەرتكىشتىڭ ءبىر ەرەكشەلىگى – ءبىر جاعىندا مىستان قۇيىلعان قوبىز, ءبىر جاعىندا دومبىرا تۇر. ءمارمار تاستان جاسالعان ەسكەرتكىشتىڭ ۇزىندىعى – 3 مەتر, ال بيىكتىگى – 2 مەتر. يدەيا اۆتورى تولەگەن قۋانىشەۆتىڭ ايتۋىنشا, مۇنى جاساۋعا شامامەن التى ايداي ۋاقىت كەتكەن.
– بايقاساڭىزدار, كىرەبەرىستە شاڭىراق بەينەلەنگەن. ال بۇل قازاق حالقىنىڭ سيمۆولى عوي. سونداي-اق قازاقتى ءوزىنىڭ كۇيىمەن, ونەرىمەن تانىتقان 101 كۇيشىنىڭ اتى ءمارمار تاسقا قاشالىپ جازىلعان. ال مۇنداي كولەمدى تاستى الماتى وبلىسىنان الدىردىق. بۇگىن – ۇلتتىق ونەرىمىزدىڭ مەرەكەسى. وسىنداي مەرەكەلەر الدا كوپ بولا بەرسىن! – دەدى يدەيا اۆتورى ءارى پروفەسسور تولەگەن قۋانىشەۆ.