الەۋمەت

كوپ بولىپ قارسى تۇرايىق

جەمقورلىقپەن كۇرەس بۇگىندە ەلىمىزدە مەملەكەتتىك ماڭىزى بار ­تۇيتكىلدى ماسەلەگە اينالىپ وتىرعانى شىندىق.

ءبىز مۇلدە جاڭا قوعامدا ءومىر ءسۇرىپ جاتىرمىز. جاڭا قوعامنىڭ سيپاتىنا ىسكەرلىك ءتان بولسا, بۇل جولدا جەتىستىگىمىز جەتەرلىك. وسى جاڭا قوعامنىڭ العا قاراي جىلجۋىندا شەشىمى كۇردەلى ماسەلەلەر دە بار. بۇل سالادا قوعام ومىرىندە تۇبەگەيلى شەشىمىن تاپپاي تۇرعان ماسەلە ول – سىبايلاس جەمقورلىق. سىبايلاس جەمقورلىقتىڭ مەملەكەتتىڭ باسەكەگە قابىلەتىن ەداۋىر تومەندەتەتىنى, قوعامدا دەموكراتيالىق قايتا قۇرۋدى جۇزەگە اسىرۋدى تەجەيتىنى, ەلدىڭ حالىقارالىق بەدەلىنە كولەڭكە تۇسىرەتىنى بەلگىلى.

ەلىمىزدە وسى ماسەلەگە ارنايى قابىلدانعان زاڭدار دا, اتقارىلىپ جاتقان جۇمىستار دا بارشىلىق, بىراق بۇل ماسەلە ءالى تولىق شەشىمىن تاپقان جوق. تيىسىنشە ادامداردىڭ قوعامنىڭ دەموكراتيالىق نەگىزىنە, زاڭ مەن ادىلدىككە, تۇپتەپ كەلگەندە, بيلىككە دەگەن سەنىمىنە كەرى اسەرىن تيگىزەتىنى ءسوزسىز.

قازىرگى تاڭدا سىبايلاس جەمقورلىقتىڭ الدىن الۋ جانە مادەنيەتتى قالىپتاس­تىرۋ بويىنشا حالىق اراسىندا ءارتۇرلى فورماتتا شارالار وتكىزىلۋدە. ازاماتتاردان كەلىپ تۇسكەن ارىز-شاعىمدارعا تالداۋ جۇمىسى بويىنشا تۇرعىندارمەن كەزدەسۋ وتكىزىلىپ تۇرادى, مەملەكەتتىك ورگانداردىڭ بيۋدجەت قاراجاتىن جۇمساۋ جونىندەگى شەشىمدەردى قولداۋ جانە ىسكە اسىرۋشىنىڭ اقپاراتتىق اشىقتىعى قامتاماسىز ەتىلگەن. بۇل جوسپارلانعان شارالاردىڭ ءبىر پاراسى عانا. قوعام تاراپىنان وسى زۇلىمدىقپەن كۇرەس باعىتىندا جولدانعان ۇسىنىس پىكىرلەرى دە زەردەلەنىپ, باسشىلىققا الىنادى.

ەل ەرتەڭى ءۇشىن, بولاشاق ۇرپاق الدىندا ەڭسەمىزدى بەك كوتەرىپ جۇرە الۋىمىز ءۇشىن جەمقورلىق ىندەتىمەن بەلسەنە كۇرەسىپ, ءتۇپ تامىرىمەن جويۋ قاجەت.

سىبايلاس جەمقورلىقپەن كۇرەستە مەملەكەتتىك قىزمەتشىلەرگە دە ارتىلاتىن جۇك اۋىر. مەملەكەتتىك قىزمەتشىلەردىڭ اتىنا كىر كەلتىرەتىن ارەكەتتەردەن اركىمنىڭ دە اۋلاق بولعانى ءجون. سىبايلاس جەمقورلىققا قاساقانا بارعاندار قاتاڭ جازاعا تارتىلادى. ولارعا ءبىزدىڭ ارامىزدا دا, قوعامدا دا ورىن جوق.

قوعامنىڭ بارلىق كۇش-­جىگەرىن بىرىكتىرىپ, وسى دەرتتىڭ ودان ءارى ۋشىقپاۋى ءۇشىن ونى توقتاتۋدىڭ بارلىق امالىن قولدانۋ ارقىلى عانا ادامزات بالاسىنا جات قۇبىلىسقا ءتيىمدى تۇردە قارسى تۇرۋعا بولادى.

عالىمجان امانتاي,

استانا قالاسى اكىمدىگىنىڭ ادەپ جونىندەگى ۋاكىلى

تاعىدا

admin

«استانا اقشامى» گازەتى

ۇقساس جاڭالىقتار

پىكىر ۇستەۋ

Back to top button