ەلوردادا كوشەلەردى جوندەۋ جۇمىستارى جۇرگىزىلىپ جاتىر. قالالىق كولىك جانە جول-كولىك ينفراقۇرىلىمىن دامىتۋ باسقارماسى قالاداعى تاعى ەكى كوشەگە – بەيبىتشىلىك جانە قارامەندە بي شاقاۇلى كوشەلەرىندە جوندەۋ جۇمىستارىن جۇرگىزىپ جاتىر.
جۇمىس جول قوزعالىسى قاۋىپسىزدىگىن قامتاماسىز ەتۋ ماقساتىندا استانا قالاسى پوليتسيا دەپارتامەنتى اكىمشىلىك پوليتسيا باسقارماسىنىڭ كەلىسىمى بويىنشا جۇرگىزىلۋدە.
ماسەلەن, جول توسەمىن ورتاشا جوندەۋ اباي داڭعىلىنان كەنەسارى كوشەسىنە دەيىنگى بەيبىتشىلىك كوشەسىندە جۇرگىزىلەدى. وسىعان بايلانىستى ۋچاسكەدە اعىمداعى جىلدىڭ 23 مامىرىنان 1 ماۋسىمىنا دەيىن اۆتوكولىك قۇرالدارى ءۇشىن قوزعالىس تولىعىمەن جابىلادى.
جوندەۋ جۇمىستارى س.بەيبارىس كوشەسىنەن اقان سەرى كوشەسىنە دەيىن قارامەندە بي شاقاۇلى كوشەسىندە جۇزەگە اسىرىلادى. وسىعان بايلانىستى 23 مامىردان 5 ماۋسىمىنا دەيىن اتالعان ۋچاسكەدە اۆتوكولىك قۇرالدارى ءۇشىن قوزعالىس ءىشىنارا جابىلاتىن بولادى.
ەلوردا تۇرعىندارى مەن قوناقتارى قالا جولدارىندا كەپتەلىس بولدىرماۋ ءۇشىن قوزعالىس باعىتىن الدىن الا جوسپارلاۋى قاجەت.
