ءبىلىم

1-سىنىپقا 26 مىڭ وقۋشى بارادى

ەلوردادا بيىل 1-سىنىپقا 26 مىڭعا جۋىق بالا بارادى دەپ جوسپارلانىپ وتىر.

3 ساۋىردەن 1 تامىزعا دەيىن جالپى ورتا ءبىلىم بەرەتىن مەكتەپتەردە قۇجاتتاردى قابىلداۋ باستالادى. مامانداندىرىلعان مەكتەپتەردەن باسقا بارلىق مەكتەپ 1-سىنىپقا باراتىن بالالاردى ەمتيحانسىز قابىلدايدى.

ءار مەكتەپتە اتا-انالارعا كومەك كورسەتۋ ماقساتىندا 1-سىنىپقا قابىلداۋ بويىنشا كوميسسيا قۇرىلدى. اتا-انالار قۇجاتتاردى «ەلەكتروندىق ۇكىمەت» www.egov.kz, ۆەب-پورتالى ارقىلى تاپسىرادى جانە دە قاعاز تۇرىندە دە تاپسىرا الادى.

مامانداندىرىلعان مەكتەپتەردەن باسقا بارلىق مەكتەپتەر 1-سىنىپقا باراتىن بالالاردى ەمتيحانسىز قابىلدايدى. ءار مەكتەپتە اتا-اناعا كومەك كورسەتۋ ماقساتىندا 1-سىنىپ­قا قابىلداۋ بويىنشا كوميسسيا قۇرىلدى. اتا-انا قۇجاتتاردى www.egov.kz ۆەب-پورتالى ارقىلى دا, قاعاز تۇرىندە دە تاپسىرا الادى. العاشقى ءۇش ءوتىنىش مەكتەپتىڭ اۋماعىندا تۇراتىن بالالاردان قابىلدانادى, بىرەۋى – اتا-انانىڭ ءوتىنىشى بويىنشا, ياعني تاڭداۋ بويىنشا (3+1 قاعيداتى). ياعني بۇل رەتتە 3+1 قاعيداتىنا اسا كوڭىل بولىنەدى. قابىلداۋ بارىسىندا ءوز اۋماعىنان ءوتىنىش بەرگەن 3 بالانى, سودان كەيىن باسقا اۋماقتان الدىڭعى تىركەلگەندەر قاتارىنان 1 ۇمىتكەر قابىلدانادى.

قۇجاتتاردى قابىلداۋ جانە مەملەكەتتىك قىزمەتتى كورسەتۋدىڭ ناتيجەلەرىن بەرۋ ەلەكتروندىق ۇكىمەت ۆەب-پورتالى جانە ءبىلىم بەرۋ ۇيىم­دارى ارقىلى قاعاز تۇرىندە جۇزەگە اسىرىلىپ جاتىر (بەلگىلەنگەن جۇمىس كەستەسى دۇيسەنبى – جۇما, ساعات 13:00-دەن 14:00-گە دەيىنگى تۇسكى ۇزىلىسپەن ساعات 9:00-دەن 18:00-گە دەيىن).

مەملەكەتتىك قىزمەت بولعاندىقتان قۇجاتتار تاپسىرعان ساتتەن باستاپ, سونداي-اق پورتال ارقىلى جۇگىنگەن كەزدە مەرزىمىنەن كەشىكتىرمەي – 1 جۇمىس كۇنىندە جاۋاپ بەرۋ كەرەك.

مەملەكەتتىك قىزمەت كورسەتۋ ءۇشىن قاجەتتى قۇجاتتاردىڭ تىزبەسى:

– اتا-انادان ءوتىنىش;

– بالانىڭ تۋ تۋرالى كۋالىگى;

– دەنساۋلىق جاعدايى تۋرالى انىقتاما №063/ۋ جانە «بالا ­دەنساۋلىعى پاسپورتى» (026/ۋ-3);

– بالانىڭ 3ح4 سم ولشەمىندەگى تسيفرلى فوتوسۋرەتi (2 دانا).

شەتەل ازاماتتارى مەن قازاقستان رەسپۋبليكاسىنىڭ اۋماعىندا ازاماتتىعى جوق ادامداردىڭ بالالارىن ورنالاستىرۋ ءۇشىن بوس وقۋشى ورىندارى بار ءبىلىم بەرۋ ۇيىمىن انىقتاپ, ولاردان ءوتىنىش كەلىپ تۇسكەن كۇننەن باستاپ ءۇش جۇمىس كۇنى ىشىندە جولداما بەرىلەدى. مامانداندىرىلعان ءبىلىم بەرۋ ۇيىمدارىنا قابىلداۋ ەرەجەگە سايكەس 1 اقپان مەن 15 ءساۋىر ارالىعىندا, ال كونكۋرس 15-30 ءساۋىر ارالىعىندا جۇرگىزىلەدى.

ەرەكشە ءبىلىمدى قاجەت ەتەتىن بالالار اتا-اناسىنىڭ كەلىسىمىمەن پەداگوگيكالىق-مەديتسينالىق-پسيحولوگيالىق كونسۋلتاتسيا قورىتىندىسى نەگىزىندە قابىلدانادى.

قانداي جاعدايدا باس تارتادى:

– قۇجاتتار توپتاماسىن تولىق ۇسىنباعاندا;

– ۇسىنىلعان قۇجاتتارىنىڭ دۇرىس ەمەستىگى انىقتالعان جاعدايدا;

– سىنىپتار جيىنتىعى تولىپ قالعان كەزدە.

ەگەر نەگىزسىز ءبىلىم بەرۋ ۇيىمدارىنا قابىلداۋدان باس تارتقان جاعدايدا, ءبىلىم باسقارماسىنىڭ 55-68-70, ­55-68-81, 55-68-87, 55-74-62 تەلەفونىنا حابارلاسۋعا بولادى.

تاعىدا

admin

«استانا اقشامى» گازەتى

ۇقساس جاڭالىقتار

پىكىر ۇستەۋ

Back to top button