ەفيردە – «EXPO-2017»
«Kazakh TV» ارناسىنان «EXPO-2017» جاڭا جوباسى كورسەتىلەدى. اۋقىمدى كورمەگە ەلدىڭ قالاي دايىندالىپ جاتقانىن كورسەتەتىن سوڭعى جاڭالىقتار, ساراپشىلاردىڭ پىكىرلەرى مەن قىزىقتى فاكتىلەردى ءار بەيسەنبى كۇنى تاماشالاي الاسىزدار.
جاستارعا كەڭەس بەرەدى
استانا تۇبىندەگى «ينتەرناتسيونالنىي» كەنتىندە العاشقى «جاستار كەڭەس ورتالىعى» اشىلدى. ورتالىق بىرنەشە باعىتتا جۇمىس ىستەيدى. اتاپ ايتقاندا, كەلۋشىلەر جۇمىسقا ورنالاستىرۋ, تۇرعىن ءۇي جاعدايلارىن جاقسارتۋ, پسيحولوگيالىق جانە زاڭ كەڭەستەرىن بەرۋ جانە مەملەكەتتىك باعدارلامالاردى ءتۇسىندىرۋ ماسەلەلەرى بويىنشا كەڭەس الا الادى
جول قوزعالىسى شەكتەلەدى
ەلورداداعى سارىارقا كوپىرى جانە سونىڭ استىنداعى كولىك قوزعالىسى جوندەۋ جۇمىستارىنا بايلانىستى 10 قىركۇيەككە دەيىن شەكتەلەدى. استانا قالاسىنىڭ جول پوليتسياسى باسقارماسى ءجۇرگىزۋشىلەردەن جولداردا كەپتەلىس تۋدىرماس ءۇشىن جۇرەر باعىتتارىن الدىن الا جوسپارلاۋدى سۇرايدى. اۆتوكولىك يەلەرىنە اقپارات بەرۋ ءۇشىن جولدارعا قاجەتتى ەسكەرتۋ جانە تىيىم سالۋ بەلگىلەرى قويىلادى.
كونترافاكتىلى ونىمدەر تاركىلەندى
استانالىق پوليتسيا قىزمەتكەرلەرى «كونترافاكت» جەدەل-الدىن الۋ ءىس-شاراسىنىڭ بارىسىندا ءبىر تاۋلىك ىشىندە 5 مىڭعا جۋىق كونترافاكتىلى ديسك ءتاركىلەدى. رەيد كەزىندە اۋديو جانە بەينەونىمدەردى ساتۋ ورىندارى, كومپيۋتەرلىك كلۋبتار مەن كومپيۋتەرلىك تەحنيكا ساتاتىن فيرمالار تەكسەرىلدى.
سانسويلەم
بيىلعى جەتى ايدا استانادا وسىنشا پاتەر پايدالانۋعا بەرىلدى
كەشە…
«اتامەكەن» قازاقستان كارتاسى» ەتنو-مەموريالدىق كەشەنى اتا زاڭ كۇنىنە وراي قر ەڭبەك سىڭىرگەن قايراتكەرى قويشىعارا سالعارامەن كەزدەسۋ ۇيىمداستىردى.
بۇگىن…
قازاقستان رەسپۋبليكاسى تۇڭعىش پرەزيدەنتىنىڭ مۇراجايىندا «استانا – ارمان قالا» كورمەسى جالعاسادى.
ەرتەڭ…
قازىرگى زامانعى ونەر مۇراجايىندا «قازاقستاننىڭ تۇڭعىش سۋرەتشى-ايەلدەرى» كورمەسى وتەدى.
ەركەجان ساتىمبەك
