استانادا اۋەسقويلار اراسىندا ميني-فۋتبولدان ءىV قازاقستان چەمپيوناتى باستالدى

بيىل ءتورتىنشى رەت ۇيىمداستىرىلىپ وتىرعان جارىسقا ەلىمىزدەگى ۇزدىك 21 كوماندا قاتىسىپ جاتىر.

استانا ىرگەسىندەگى «ميچۋرينو» سپورت كەشەنىندە ميني-فۋتبولدان اۋەسقوي فۋتبول ليگاسى اياسىنداعى ءىV قازاقستان چەمپيوناتى باستالدى.

بيىل ءتورتىنشى رەت ۇيىمداستىرىلىپ وتىرعان جارىسقا ەلىمىزدەگى ۇزدىك 21 كوماندا قاتىسۋدا. ولاردىڭ قاتارىندا 2015 جىلعى جەڭىمپاز – «ەسىل» ساۋدا ءۇيى» كومانداسى بار. بىلتىر الماتىدا وتكەن جارىستا توپ جارعان استانالىق كوماندا بيىل وتەتىن mini EURO-2016 تۋرنيرىندە ەل نامىسىن قورعايتىن بولادى.

ال بيىلعى جارىسقا قاتىسۋشىلار 5 توپقا ءبولىنىپ وينايدى. ءار توپتان ۇزدىك شىققاندار پلەي-وفف ويىندارىنا شىعادى. چەمپيونات جەڭىمپازى اتانعان كوماندا mini EURO-2017 تۋرنيرىنە قازاقستان قۇراماسىن جاساقتاپ اپارۋعا مۇمكىندىك الادى. سونداي-اق, جارىس جەڭىمپازدارى مەن جۇلدەگەرلەرىنە ديپلومدار, مەدالدار جانە سىيلىقتار تابىس ەتىلەدى.

چەمپيوناتتىڭ ءبىرىنشى كۇنى «دوس­تار» (استانا) كومانداسى اتىراۋدىڭ «كەدەنترانسسەرۆيس» كومانداسىن 4:0 ەسەبىمەن ۇتسا, «نوماد» (الماتى) – «تسون دياستەن» (شىمكەنت) كوماندالارى اراسىنداعى ويىن 2:2 ەسەبىمەن اياقتالدى. ال بىلتىرعى چەمپيون «ەسىل» ساۋدا ءۇيى» كومانداسى ماڭعىستاۋلىق «اقمادينا» كومانداسىن 10:0 (!) ەسەبىمەن تىزە بۇكتىردى.

چەمپيونات 2-30-31 شىلدە كۇندەرى استانا ىرگەسىندەگى «ميچۋرينو» سپورت كەشەنىنىڭ فۋتبول الاڭدارىندا وتەدى.

ويىندار كۇندە ساعات 11.00-دەن – 20.00-گە دەيىن وتكىزىلەدى.

عالىم قوجابەكوۆ