7-8 قىركۇيەك كۇندەرى «حان شاتىر» ساۋدا ورتالىعى الاڭىندا الماتى جانە قوستاناي وبلىستارىنىڭ اۋىلشارۋاشىلىق جارمەڭكەسى وتەدى.
بۇل جارمەڭكەگە الماتى جانە قوستاناي وبلىستارىنىڭ 31 اۋدانى مەن 6 قالاسىنىڭ تاۋار وندىرۋشىلەرى قاتىسادى. الماتى وبلىسىنىڭ كاسىپورىندارى شامامەن 163 ملن تەڭگە سوماسىنا 330,9 توننا اۋىلشارۋاشىلىق ونىمدەرىن ساتۋدى جوسپارلاپ وتىرسا, قوستاناي وبلىسى جالپى قۇنى 200 ملن تەڭگەنى قۇرايتىن 380 توننا ءونىمدى ساۋدالاماق. ەلوردا تۇرعىندارىن ارزان, تابيعي قۇنارلى ونىمدەرمەن قامتاماسىز ەتۋ ماقساتىندا وتكىزىلەتىن جارمەڭكەدە قالا تۇرعىندارىنىڭ ەت, ءسۇت, جەمىس-جيدەك, بالىق سياقتى ونىمدەردى ءتيىمدى باعامەن ساتىپ الۋىنا مۇمكىندىك بار.
جارمەڭكە كەزىندە ەكى وبلىستىڭ ونەر ۇجىمدارىنىڭ ساۋىق-سايران تاماشاسى دا وتەدى.
