بانكتە ەسەپ-شوتىڭ بار دەلىك. سول شوتىڭا كۇن سايىن تاڭەرتەڭ 86400 دوللار تۇسەدى جانە تۇسكەن اقشانى سول كۇنى كەشكە دەيىن جۇمساپ ءبىتىرۋىڭ قاجەت. ءبىر شارتى تاعى بار: ول اقشانى باسقا بانككە اۋدارۋ مۇمكىن ەمەس جانە تۇگەسىلمەگەن جاعدايدا شوتتاعى سوما كەلەسى كۇنى نولگە اينالادى.
ال ەندى نە ىستەيسىڭ؟ ارينە, ءايتەۋىر سول اقشانى نە بولسا دا جۇمساۋعا, ءوز يگىلىگىڭە پايدالانۋعا تىرىساسىڭ. مىنەكي, بارلىعىمىز دا “ۋاقىت” اتتى بانكىنىڭ تۇتىنۋشىلارىمىز.
كۇن سايىن قولىمىزعا پايدالانسىن دەپ 86400 سەكۋند بەرىلەدى. بەرىلگەن بۇل شەكتەۋلى ۋاقىتتى باسقا كۇنگە نە قوسا المايسىڭ, نە ەرتەڭگى كۇننىڭ ۋاقىتىن مەزگىلىنەن بۇرىن قولدانا المايسىڭ. كۇندىك ۋاقىت قورىمىز تاڭەرتەڭ تولىپ, كەشكە ادا بولىپ وتىرادى. وتكەن ۋاقىتتى قايتا يەلەنە المايسىڭ.
سوندىقتان, كۇندەلىكتى قولىڭا تۇسكەن وسى قازىنانى ومىرىڭدەگى باقىت, دەنساۋلىق, جەتىستىك, ىرىس-بەرەكە, باق سياقتى ماڭىزدى نارسەلەرگە جۇمسا. اللاعا قۇلشىلىق قىل! بەس پارىزىڭدى تۇگەل ورىندا! اتا-اناڭا جاقسىلىق قىل! زامان زۋلاپ ءوتىپ بارادى, كۇندە ەڭ جاقسىسىن جاساۋعا تىرىس. ۋاقىتتىڭ قادىرىن تولىعىراق ءتۇسىنۋ ءۇشىن مىنا تەڭەۋگە ءبىر قاراشى:
- ءبىر جىلدىڭ قادىرىن مەكتەپتە سول سىنىپتى قايتادان وقۋعا قالعان وقۋشىدان سۇرا.
- ءبىر ايدىڭ قادىرىن 8 ايلىق بالانى تۋعان انادان سۇرا.
- ءبىر اپتانىڭ قادىرىن اپتالىق گازەتتىڭ رەداكتورىنان سۇرا.
- ءبىر ساعاتتىڭ قادىرىن سۇيگەنىن كۇتىپ وتىرعان عاشىق جاننان سۇرا.
- ءبىر مينۋتتىڭ قادىرىن پويىزدان قالىپ قويعان جولاۋشىدان سۇرا.
- ءبىر سەكۋندتىڭ قادىرىن اپات اۋزىنان امان قالعان جۇرگىزۋشىدەن سۇرا.
ال ءبىر ميلليسەكۋندتىڭ قادىرىن وليمپيادادا 100 مەتر قاشىقتىققا جۇگىرۋ سايىسىنان كۇمىس مەدال العان اتلەتتەن سۇرا.
مىنەكي, ۋاقىت – بىزگە بەرىلگەن ۇلكەن قازىنا. وسى قازىنانى ماڭىزدى نارسەلەرگە جۇمسا. ۇمىتپا! ۋاقىت ەشكىمدى كۇتپەيدى, وتكەن ۋاقىت – تاريح, ال كەلەر شاق سىرلارعا تولى. وسى سىرلاردى ارزان نارسەلەرگە ايىرباستاما…
دايىنداعان:
جايىق ناعىماش
